534
14:13
01 Dekabr 2019

Avtobus körpüdən çaya düşdü - Rusiyada: ölənlərin sayı 19 nəfərə çatdı - YENİLƏNİB

Rusiyanın Zabaykal diyarının Sretensk rayonunda sərnişin avtobusunun körpüdən Kuenqa çayına düşməsi nəticəsində ölənlərin sayı 19 nəfərə çatıb.

APA-nın "RİA Novosti" agentliyinə istinadən verdiyi məlumata görə, bu barədə Zabaykal diyar qubernatorunun mətbuat xidməti məlumat yayıb.

Qəza nəticəsində 21 nəfər müxtəlif dərəcəli bədən xəsarəti alıb.

Qeyd edək ki, avtobusda 43 sərnişin olub.

Qəzaya səbəb avtobusun ön təkərinin partlaması olub. Nəticədə avtobus körpüdən çaya düşüb.

12:42

Rusiyanın Zabaykal diyarının Sretensk rayonunda sərnişin avtobusunun körpüdən Kuenqa çayına düşməsi nəticəsində ölənlərin sayı 15 nəfərə çatıb, 18 nəfər xəsarət alıb.

APA-nın "RİA Novosti" agentliyinə istinadən verdiyi məlumata görə, avtobusda 43 sərnişin olub.

Qəzaya səbəb avtobusun ön təkərinin partlaması olub. Nəticədə avtobus körpüdən çaya düşüb.

12.24

Rusiyanın Zabaykal diyarının Sretensk rayonunda sərnişin avtobusunun körpüdən Kuenqa çayına düşməsi nəticəsində 10 nəfər ölüb, 5 nəfər ağır yaralanıb.

APA-nın TASS agentliyinə istinadən verdiyi məlumata görə, hadisə yerinə 5 təcili tibbi yardım briqadası göndərilib.

Hadisənin səbəbləri araşdırılır.

Qeyd edək ki, şəxsi sahibkara məxsus avtobusda 43 turist olub.

11.39

Rusiyanın Zabaykal diyarında sərnişin avtobusu körpüdən Kuenqa çayına düşüb.

APA-nın “REN TV” telekanalına istinadən verdiyi məlumata görə, avtobusda 18 sərnişin olub.

Hadisə yerinə xilasedicilər cəlb olunub.