Məktəbin qarşısında maşın piyadanı vurub öldürdü

Bakıda ölümlə nəticələnən yol-nəqliyyat hadisəsi baş verib.

APA-nın məlumatına görə, hadisə Parlament prospekti, 20 nömrəli məktəb-liseyin qarşısında qeydə alınıb. Həmin ərazidə yolu keçmək istən Bakı sakini, 1983-cü il təvəllüdlü İbrahimxəlilov Elvin Rasim oğlunu maşın vurub. Piyada aldığı xəsarətdən hadisə yerində ölüb.

Faktla bağlı Yasamal rayon Polis İdarəsinin 26-cı Polis Bölməsi tərəfindən araşdırma aparılır.