8634
10:52
16 Oktyabr 2019

Azərbaycanlı tanınmış biznesmen Rusiyada HƏLAK OLDU - FOTOLENT

Rusiyada yaşayan tanınmış azərbaycanlı biznesmen Əlişah Süleymanov avtomobil qəzasında həlak olub.
Lent.az -ın Rusiya KİV-ə istinadən məlumatına görə, hadisə Yujnouralsk – Maqnitoqorsk magistralında baş verib. Məlumata görə, Süleymanovun 43 yaşlı sürücüsü hərəkətdə olan Toyota Land Cruiser markalı avtomobilin idarəetməsini itirərək aşırıb. Nəticədə Əlişah Süleymanov həlak olub.
Əlişah Süleymanov “Ruslada” şirkətinin prezidenti idi. Regionda xeyriyyəçiliyi ilə tanınırdı. O, uşaq evlərinə, kilsələrə, kimsəsiz və xəstələrə davamlı yardımlar etməklə də regionda ad çıxarmışdı.
Süleymanovun 3 uşağı olub.