Rusiyada qalmaqallı vəkil Elman Paşayevin oğlu Elvin Paşayev "qara rieltorlar" işi üzrə həbs edilib.
Lent.az yerli telegram kanallarına istinadla bildirir ki, 26 yaşlı Elvin bu ilin fevral ayından etibarən xüsusilə külli miqdarda dələduzluq ittihamı ilə istintaq təcridxanasında saxlanılır.
Bununla belə, məhkəmə sənədlərindən məlum olur ki, onun həbs olunduğu cinayət işi ilkin olaraq hələ 2025-ci ilin oktyabrında Moskva mənzillərindən birinin sahibinin itkin düşməsindən sonra qəsdən adamöldürmə maddəsi ilə başlanıb. Həmin mənzil Elvinin atası Elman Paşayevin sərəncamına keçib.
Hazırda Elman Paşayevin özü Donetskdə mühakimə olunur. İstintaqın versiyasına görə, o, səs-küylü cinayət işlərinin "həlli" üçün milyonlarla rubl alıb, lakin faktiki olaraq heç bir hüquqi yardım göstərməyib.
Elman Paşayev
İddialara əsasən, 2024-cü ildə xüsusi hərbi əməliyyat zonasında ikən Paşayev böyük "problemli" mənzili Aleksandr Zaxarçenko adına 5-ci motoatıcı briqadanın hərbçilərindən birinin adına rəsmiləşdirməyi vəd edib. Bildirilir ki, həmin mənzil "qara rieltorlar"ın fəaliyyəti ilə əlaqələndirilib. Mənzilin sahibinin itkin düşdüyü və sonradan tapılmadığı qeyd olunur. Daşınmaz əmlakın Elman Paşayevin əlinə necə keçdiyi isə hələlik məlum deyil.
Məlumata görə, Elman Paşayev istintaq təcridxanasına yerləşdirildikdən sonra həmin hərbçinin mənzilə sahib çıxacağından narahat olub və onu daşınmaz əmlakı oğlu Elvinin adına keçirməyə razı salıb.
Bir müddət sonra isə mənzilin sahibinin meyiti aşkarlanıb. İlkin məlumatlara görə, meyit tikələrə ayrılmış vəziyyətdə olub. Mənzilin rəsmiləşdirildiyi hərbçi dindirildikdən sonra Elvin Paşayev "qara rieltorlar" işi üzrə istintaqın diqqət mərkəzinə düşüb. Bununla belə, ona qarşı yalnız dələduzluq ittihamı irəli sürülüb.
Jurnalistlər Elvinin anası Alyona ilə əlaqə saxlasalar da, o, məsələ ilə bağlı şərh verməkdən imtina edib.
Bundan əlavə, 2024-cü ilin noyabrında Elvin Paşayevə məxsus şirkətin bank hesabları bloklanıb. Hazırda "Elman Group" Beynəlxalq Hüquq Şirkətinin 53 min rubl məbləğində vergi borcu olduğu bildirilir. Şirkətin hesabları borcun ödənilməməsi səbəbindən dondurulub.
Eyni zamanda, Elvin Paşayevin atası ilə birgə təsis etdiyi "Paşayev Fondu"nun da vergi bəyannaməsinin təqdim edilməməsi səbəbindən bank hesablarının bloklandığı qeyd olunur.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
