MDB ölkələrinin dövlət başçılarının iclası oktyabrın 11-də Aşqabadda keçiriləcək

MDB ölkələrinin dövlət başçılarının iclası oktyabrın 11-də Türkmənistanın paytaxtı Aşqabadda keçiriləcək.

ONA -nın RİA Novosti-yə istinadən verdiyi məlumata görə, bu barədə MDB-nin icraçı katibi Sergey Lebedev açıqlama verib. “Hazırda bu vacib iclasa hazırlıq gedir. İclasda təşkilat çərçivəsində əlaqələri möhkəmləndirəcək bir sıra qərarların qəbul olunması gözlənilir”,- deyə S.Lebedev əlavə edib.