![[b]"Məlumatım yoxdur" - Deputatımızın sualı Komitə sədrini çətinə saldı[/b]](https://lent.az/storage/news/2019/april/08/big/4b7eb7e0fa5d38ca15677703af90c884.jpg)
Avropa Şurası Parlament Assambleyasının (AŞPA) yaz sessiyasında Azərbaycanın nümayəndə heyətinin sədri Səməd Seyidov Finlandiyanın xarici işlər naziri, Avropa Şurası Nazirlər Komitəsinin sədri Timo Soiniyə sual ünvanlayıb.
ONA-nın Qərbi Avropa bürosunun xəbərinə görə, sual belə olub:
“2015-ci ildə Avropa İnsan Haqları Məhkəməsi Azərbaycanın Laçın bölgəsindən qeyri-qanuni şəkildə didərgin düşmüş mülki şəxslər haqqında mühüm bir qərar verdi. Bununla da ermənilərin davamlı şəkildə bunu inkar etməsinə bir son vermiş oldu. Nazirlər Komitəsi Ermənistanın öz öhdəliklərini yerinə yetirməsi və İnsan Haqları Konvensiyasına riayət etməsi üçün nələr edir?”
“Bu haqda çox dəqiq bir məlumatım yoxdur, ancaq onu deyə bilirəm ki, prinsipcə qeyd etdiyiniz məsələlər Nazirlər Komitəsində olmalı və nəzarət proseduru tətbiq edilməlidir”, - deyə Timo Soini bildirib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
