![[b]“Neftçi” antirekorda imza atdı[/b]](https://lent.az/site/assets/images/breaking-news/lentaz.png)
"Neftçi” tarixinin yeni antirekorduna imza atıb. Apasport.az saytının məlumatına görə, “ağ-qaralar” Azərbaycan çempionatları tarixində ilk dəfə ardıcıl 4 dəfə məğlub olub.
Bakılılar bu antirekordu Topaz Premyer Liqasının V turunun “İnter”lə paytaxt derbisində 1:2 hesabı ilə uduzmaqla rəsmiləşdirib. II turda “Zirə”yə 0:1, III turda “Qarabağ”a 0:3, IV turda “Qəbələ”yə 0:8 hesabı ilə uduzan “Neftçi” məğlubiyyət sayında antirekordu təkrarlamışdı.
Belə ki, 1992-ci ildən keçirilən ölkə çempionatlarında “ağ-qaralar” daha 4 dəfə 3 oyunluq “qara zolağ”a düşmüşdü. Lakin bu dəfə “Neftçi” “3”lə kifayətlənməyərək, ardıcıl 4-cü yenilgisini alıb.
Bununla da paytaxt təmsilçisi 2009, 2012, 2015 və 2016-cı illərdə təkrarladığı 3 oyunluq antirekordunu yeniləyib.
Qeyd edək ki, “ağ-qaralar”ın uduzmadığı son oyun I turun AZAL-la matçı olub. Avqustun 6-dakı 2:0 hesablı qələbədən sonra bakılılar 43 gündü xala həsrətdi.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
