“Neftçi” futbol komandasının ev oyunlarını keçirdiyi “Bakcell” Arenada müxtəlif rakurslarda xüsusi kameralar quraşdırılıb. Lent.az-ın flaqmanın rəsmi saytına istinadən verdiyi məlumata görə, bu yenilik klubun xarici şirkətlərlə müqaviləsi əsasında həyata keçirilib.
Məqsəd flaqmanın oyunlarında futbolçuların fərdi keyfiyyətlərini tam analiz etməkdən ibarətdir. “Neftçi”nin sifarişi ilə xarici şirkət nümayəndələri 3 gün ərzində stadionda müvafiq hazırlıq işləri aparıb. Müqaviləyə əsasən “ağ-qaralar”ın bütün ev oyunlarında futbolçuların fiziki aktivliyi və göstəriciləri analiz edilərək operativ surətdə kluba təqdim ediləcək.
Qeyd edək ki, “Neftçi” növbəti ev oyununu martın 7-də “Simurq”a qarşı keçirəcək. Azərbaycan Kubokunun ¼ final mərhələsinin cavab görüşünə biletlər 1 manata satılır. Oyun saat 17:00-da başlanacaq.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
