Azərbaycan yığmasının heyəti açıqlandı

Futbol üzrə Azərbaycan milli komandasının 2012-ci il Avropa çempionatının seçmə tsiklinin startı ərəfəsində heyəti açıqlanıb. Lent.az-ın AFFA-nın rəsmi saytına istinadən verdiyi məlumata görə, yığmamız Köln şəhərində Almaniya ilə keçirəcəyi qarşılaşmadan öncə iki təlim-məşq toplantısı keçirəcək.

Baş məşqçi Berti Foqts 24 futbolçuya dəvət göndərib. Onların 22-si avqustun 30-dan sentyabr 3-dək Almaniyanın Rust şəhərində nəzərdə tutulan toplanışa qatılacaq:

Qapıçılar: Kamran Ağayev (“Xəzər Lənkəran”), Fərhad Vəliyev (“Qarabağ”), Səlahət Ağayev (“İnter”)

Müdafiəçilər: Rəşad Sadıqov (“Qarabağ”), Vurğun Hüseynov (“Turan”), Elnur Allahverdiyev (“Xəzər Lənkəran”), Saşa Yunisoğlu (“Qəbələ”), Ruslan Abışov (“Neftçi”), Samir Abasov (“Qarabağ”), Maksim Medvedev (“Qarabağ”), Rail Məlikov (“Neftçi”), Volodimir Levin (“İnter”)

Yarımmüdafiəçilər: Rəşad Sadiqov (“Qarabağ”), Aleksandr Çertoqanov (“İnter”), Rahid Əmirquliyev (“Xəzər Lənkəran”), Mahir Şükürov (“Anji”, Rusiya), Amit Quluzadə (“Neftçi”), Araz Abdullayev (“Neftçi”)

Hücumçular: Rauf Əliyev (“Qarabağ”), Vaqif Cavadov (“Tvente”, Hollandiya), Vüqar Nadirov (“Qarabağ”), Fabio Luis Ramin (“Bakı”)

Daha 2 oyunçu - Cavid Hüseynov (“Neftçi”) və Elvin Məmmədov (“Qarabağ”) 21 yaşlılardan ibarət millimizin heyətində sentyabrın 4-də Bakıda Albaniya ilə Avropa çempionatının seçmə matçına çıxdıqdan sonra Almaniyaya yollanacaqlar. Həmin vaxt yığmamız artıq Kölndə olacaq. Millimiz hazırlıq prosesini dünya çempionatının bürünc mükafatçıları ilə görüşün təşkil olunacağı şəhərdə davam etdirəcək. Komandamız Almaniya ilə rəsmi matça sentyabrın 7-də çıxacaq. “Raynenerqiştadion”da keçiriləcək oyun Bakı vaxtı ilə saat 23:45-də başlanacaq.