Fermer qadınları donuzlara yedizdirdi

Cənubi Afrikada ağdərili fermer və işçiləri iki qaradərili qadın, 45 yaşlı Maria Makqato və 34 yaşlı Lucia Ndlovu donuzlara yedizdiriblər.

Lent.az xarici mediaya istinadla bildirir ki, avqust ayında Limpopo əyalətinin Polokvane yaxınlığındakı fermada yemək axtaran qadınlar öldürülüblər. Cinayətin izlərini gizlətmək üçün onların cəsədlərinin məhv edildiyi deyilir.

Fermanın 60 yaşlı sahibi Zəkəriyyə Yohannes Olivye və 2 işçisi əlavə olaraq qadınlarla birlikdə fermada olan Ndlovunun əri Mabutho Ncubeni öldürməyə cəhddə, eləcə də qanunsuz olaraq odlu silah saxlamaqda ittiham olunur. Ncube avqustun 17-də hadisədən sağ çıxıb və polisə məlumat verib. Bundan sonra onun həyat yoldaşı və Makqatonun çürümüş cəsədləri donuzxanada aşkar edilib.

Matole bildirib ki, bacısının cəsədini donuzlar yeyib.

Müxalif İqtisadi Azadlıq Mübarizəçiləri partiyası cəsədlərin aşkarlanmasından sonra istehlakçılar üçün risklərin olduğunu bildirərək, fermanı bağlamağa çağırıb.