İstifadəçilərin NƏZƏRİNƏ: WhatsApp 8 gündən sonra bu telefonlarda işləməyəcək

Meta 2025-ci il yanvarın 1-dən bəzi köhnə telefonlar üçün WhatsApp dəstəyini dayandıracaq.

Populyar mesajlaşma proqramı WhatsApp, yeni ilə girərkən bəzi istifadəçiləri üzəcək bir qərar verib.

Meta, 2025-ci il yanvarın 1-dən bəzi köhnə model telefonlar üçün dəstəyi dayandıracağını açıqlayıb. Bu qərar milyonlarla istifadəçinin “WhatsApp”la vidalaşmasına səbəb olacaq.

Şirkət bu yaxınlarda 2025-ci il yanvarın 1-dən etibarən tətbiqə daxil ola bilməyəcək modelləri paylaşıb.

Meta 2025-ci ildən etibarən bəzi Samsung, Motorola, HTC, LG və Sony modelləri üçün WhatsApp dəstəyini dayandırmaq qərarına gəlib.

Bu o deməkdir ki, Android, KitKat və ya köhnə versiyaları ilə işləyən modellər yanvarın 1-dən tətbiqə daxil ola bilməyəcək.

• Samsung: Galaxy S3, Galaxy Note 2, Galaxy Ace 3, Galaxy S4 Mini

• Motorola: Moto G (1st Gen), Razr HD, Moto E 2014

• HTC: One X, One X+, Desire 500, Desire 601

• LG: Optimus G, Nexus 4, G2 Mini, L90

• Sony: Xperia Z, Xperia SP, Xperia T, Xperia V

Bundan başqa, Apple tərəfində də oxşar vəziyyət var. Bu kontekstdə WhatsApp dəstəyi iOS 15.1-dən köhnə versiyalarla işləyən iPhone modelləri üçün 2025-ci ilin may ayında dayandırılacaq.