Yeri qırmızı səviyyəli maqnit qasırğası bürüdü – Nəyi bilmək lazımdır?

Oktyabrın 4-də Yer kürəsini güclü maqnit qasırğası bürüyüb.

Lent.az xarici mediaya istinadən bildirir ki, mütəxəssislərin fikrincə, bu qasırğa qırmızı səviyyəli tufana uyğun gələn 5-lik K indeksinə çatacaq.

Maqnit və ya günəş fırtınası günəş enerjisinin partlamalarının bütün istiqamətlərə səpələndiyi bir prosesdir. Fərqli gücdə partlayışlar ejeksiyonlar və günəş kütləsi alovları şəklində baş verir. Enerji bütün istiqamətlərə, o cümlədən Yerə yayılır.

Çox vaxt belə günlərdə insanlar sağlamlıqlarının pisləşməsindən, baş ağrılarından, konsentrasiyanın, yuxunun pozulmasından şikayətlənirlər.
Xroniki xəstəlikləri və immuniteti zəif olan insanlar risk altındadır.

Qasırğanın mənfi təsirlərini minimuma endirmək üçün sağlam həyat tərzi qaydalarına riayət edin. Belə günlərdə stressdən, ağır yüklərdən uzaq durmalısınız. Daha az yağlı, qızardılmış, duzlu və ədviyyatlı yeməklər yemək vacibdir. Bunun əvəzinə daha çox tərəvəz və meyvə yeyin, həkimlər məsləhət görürlər.

Qəhvə, siqaret və spirtdən imtina edin. Daha çox maye içmək - adi su və ya bitki çayları məsləhətdir.

Otağı mütəmadi olaraq havalandırın və ən azı qısa müddətə təmiz havada gəzməyə çalışın. Mümkünsə, günün eyni vaxtında yatın və kifayət qədər yuxu aldığınızdan əmin olun.