Standartlaşdırma, Metrologiya və Patent üzrə Dövlət Komitəsi yanında Texniki Tənzimləmə və Standartlar üzrə Dövlət Nəzarəti Xidmətinin Xaçmaz Ərazi İdarəsinin əməkdaşları rayonda fəaliyyət göstərən iki çörəkbişirmə sexində dövlət nəzarəti həyata keçirib.
APA-nın şimal bürosunun verdiyi məlumata görə, fiziki şəxlər – Xaçmaz rayon sakini Azər Həşimov və Ceyhun Səfərova məxsus çörək bişirmə sexlərində bir sıra qanun pozuntuları aşkar edilib.
Reyd zamanı müəssisələrdə qanunvericiliyin tələblərinə zidd olaraq istehsal olunan məhsul üçün müvafiq qaydada təsdiq olunmuş uyğunluq sertifikatlarının olmadığı, ölçmə vasitələrinin müqayisəli dövlət yoxlanışından keçmədən istifadə olunduğu aşkarlanıb.
Standartlaşdırma, Metrologiya və Patent üzrə Dövlət Komitəsinin Dövlət Nəzarəti Xidməti tərəfindən həmin çörəkbişirmə sexlərinə protoktol tərtib olunub.
Hər iki müəssisəni 1500 manatdan 2000 manatadək cərimə gözləyir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
