Sentyabrın 28-də ABŞ-ın Azәrbaycandakı sәfirliyinin iqamәtgahında USAİD-in Azәrbaycana yeni tәyin olunmuş missiya rәhbәri Mikayela Merediç ictimaiyyәtә tәqdim olunub.
APA-nın nәlumatına görә, sәfir Robert Sekuta xanım Merediçin daha әvvәl Vaşinqtonda yüksәk rütbәli vәzifәlərdə çalışdığını, 8 il әrzindә USAİD-in strukturlarında çalışdığını bildirib: "M.Merediç burada ABŞ-ın uzunmüddәtli mәqsәdlәri üçün xidmәt edәcәk. Bunlar həmçinin güclü, sabit, inkişaf edәn Azәrbaycan naminә mәqsәdlәrdir".
Sәfir bildirib ki, USAİD-in bu günədək Azәrbaycana 1,5 milyard ABŞ dolları həcmində yardım göstərib: "USAİD Azәrbaycan hökümәti ilә birlikdә "Azәrbaycan 2020: Gәlәcәyә baxış" konsepsiyasına dәstәyini göstәrir. Әldә etdiyimiz nailiyyәtlәrdәn mәmnunuq".
Daha sonra çıxış edәn USAİD-in Azәrbaycana yeni tәyin olunmuş missiya rәhbәri Mikayela Merediç Azәrbaycanda olduğu 1 ay müddәtindә tәrəqqinin vә inkişafın şahidi olduğunu bildirib. Onun sözlәrinә görә, Azәrbaycan gәnc ölkә olduğu üçün uzunmüddәtli inkişaf üçün demokratik, iqtisadi, sosial islahatlar önәm kәsb edir: "Bunlar hökumәtin "Azәrbaycan 2020: Gәlәcәyә baxış" konsepsiyasında әrz olunan meyarlardır. Biz Azәrbaycanın davamlı irәlilәyiş әldә etmәsini görmәkdәn mәmnunuq. Bu nailiyyәtlәri davam etdirmәk önәmlidir vә USAİD Azәrbaycan hökumәti ilә işlәmәyi davam etdirməyə hazırdır".
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
