Tənqidçi Əsəd Cahangirin işdən çıxarıldığı təsdiqləndi

Azərbaycan jurnalının baş redaktor müavini, tənqidçi Əsəd Cahangir vəzifəsindən azad olunub.

Bu barədə APA-ya məlumat verən Azərbaycan Yazıçılar Birliyinin katibi, xalq şairi Fikrət Qoca bildirib ki, Əsəd Cahangir öz ərizəsi ilə vəzifəsindən azad olunub: “Özü ərizə yazıb ki, onu baş redaktor müavinliyindən azad edək. Başqa səbəb yoxdur”.

F. Qoca əlavə edib ki, Ə. Cahangirin yerinə təyinat olmayıb: “Hələlik o vəzifə boşdur. Bəlkə heç baş redaktor müavini vəzifəsinə heç kimi təyin etmədik”.

Əsəd Cahangir isə APA-ya açıqlamasında bildirib ki, o, vəzifəsindən azad olunmayıb: "Bu böhtandır. Vəzifəmdən azad olunmamışam. Mənə ictimai əsaslarla azyb.az saytının rəhbəri vəzifəsi təklif olunub, mən də qəbul etməyi düşünürəm".