Bakıda gecə 3-5 dərəcə şaxta olacaq

Yanvarın 27-də Bakı və Abşeron yarımadasında bəzi yerlərdə qar yağacağı, gündüz tədricən kəsiləcəyi gözlənilir. Güclü şimal-qərb küləyi günün ikinci yarısında mülayimləşəcək.

Ekologiya və Təbii Sərvətlər Nazirliyinin Milli Hidrometeorologiya Departamentindən Lent.az-a verilən məlumata görə, havanın temperaturu gecə 1-6 dərəcə şaxta, gündüz 0-3 dərəcə isti olacaq. Bakıda gecə 3-5 dərəcə şaxta, gündüz 1-3 dərəcə isti olacaq. Yollar buz bağlayacaq.

Sabah Azərbaycanın rayonlarında əsasən arabir qar yağacağı, gündüz tədricən kəsiləcəyi gözlənilir. Bəzi yerlərdə duman olacaq, qərb küləyi ayrı-ayrı yerlərdə arabir güclənəcək.

Havanın temperaturu Aran rayonlarında gecə 2-7 dərəcə şaxta, gündüz 1 dərəcə şaxtadan 4 dərəcəyədək isti, dağlıq rayonlarda gecə 7-12 dərəcə, yüksək dağlıq rayonlarda 14-19 dərəcə şaxta, gündüz 0-5 dərəcə isti olacaq. Yollar buz bağlayacaq.

Yanvarın 27-si axşamadək Abşeron yarımadasında güclü xəzri küləyi fonunda soyuq diskomfort hava şəraiti meteohəssas insanlar üçün əlverişsizdir. Yanvarın 28-də soyuq temperatur diskomfortu gözlənilsə də, havanın oksigenlə zəngin olması müsbət amildir.