Prezident Respublika Əlillərin Bərpa Mərkəzinin açılışında

Prezident İlham Əliyev Respublika Əlillərin Bərpa Mərkəzinin əsaslı yenidənqurmadan sonra açılışında iştirak edib.

Lent.az-ın president.az-a istinadən məlumatına görə, açılışda Əmək və əhalinin sosial müdafiəsi naziri Səlim Müslümov prezident İlham Əliyevə mərkəzdə yaradılmış şərait barədə məlumat verib.

Bildirilib ki, il ərzində ambulator, gündüz stasionarı və stasionar şəraitdə əlillərin reabilitasiyası və müalicəsi ilə məşğul olan mərkəz müasir tibbi avadanlıqla təchiz edilib. Binanın həyətində geniş yaşıllaşdırma işləri görülüb, xəstələrin təmiz havada gəzintisi və istirahəti üçün bütün şərait yaradılıb.