Orta ixtisas təhsili müəssisələrinə keçirilmiş müsabiqənin NƏTİCƏLƏRİ

Ümumi orta təhsil (9 illik) bazasında orta ixtisas təhsili müəssisələrinə keçirilmiş müsabiqənin nəticələri açıqlanıb.

Tələbə Qəbulu üzrə Dövlət Komissiyasından (TQDK) APA-ya verilən məlumata görə, ümumi orta təhsil (9 illik) bazasında orta ixtisas təhsili müəssisələrinə keçirilmiş müsabiqənin nəticələri bu gün saat 18:00-dan etibarən TQDK-nın rəsmi internet səhifəsində yerləşdirib.

Müsabiqənin nəticələri haqqında məlumatı həmçinin "Azercell", "Bakcell" və "Nar Mobile" nömrələrindən mobil telefonla abituriyentin iş nömrəsini 7727 nömrəsinə göndərməklə öyrənmək olar.

Müsabiqənin nəticələri haqqında statistik məlumatlar aşağıdakı cədvəldə təqdim olunur:

Təhsil forması	Qəbul planı	Qəbul olunub			Qəbulolma faizi
Təhsil forması	Qəbul planı	Azərbaycan bölməsi	Rus bölməsi	Bölmələr üzrə cəmi	Qəbulolma faizi
Dövlət ödənişsiz	4193	3933	133	4066	96.90
Dövlət ödənişli	4486	3927	146	4073	90.57
Özəl	780	783	0	783	100.00
Cəmi	9459	8643	279	8922	94.15

Ümumi orta təhsil bazasında orta ixtisas təhsili müəssisələrinə qəbul olanlar 2016‑cı il iyulun 21-dən 29-dək tələb olunan sənədləri təqdim etməklə qəbul olduqları təhsil müəssisəsində qeydiyyatdan keçməlidirlər. Abituriyentin göstərilən müddətdə qeydiyyatdan keçməməsi onun müvafiq ixtisasa yerləşdirilməkdən imtina etməsi kimi qiymətləndiriləcək və o, qəbul olanlar siyahısından xaric ediləcək.