1 İyun - Uşaqların Beynəlxalq Müdafiəsi Günü münasibəti ilə “Bakı Metorpoliteni” QSC maraqlı addım atıb. Metropolitenin mətbuat xidmətindən Lent.az-a verilən məlumata görə, bu gün metroda metropoliten əməkdaşlarının uşaqlarının bir qrupunun yaradıcılıq işləri sərgilənir.
Rəsm çəkmək bacarığı olan uşaqların əsərləri metronun 6 stansiyasında məhz onların bayramı günü nümayiş olunur. "Sahil", "Memar Əcəmi", "Elmlər Akademiyası", "Gənclik", "Nəriman Nərimanov" və "Qara Qarayev" stansiyalarında toplam 9 rəsm əsəri ilə tanış ola bilərsiniz.