Hava isti, bürkülü olacaq

Ekologiya və Təbii Sərvətlər Nazirliyi Milli Hidrometeorologiya Departamenti avqustun 30-a gözlənilən hava proqnozunu açıqlayıb.

Ekologiya və Təbii Sərvətlər Nazirliyi Milli Hidrometeorologiya Departamentinin Hidrometeoroloji Proqnozlar Bürosundan Lent.az-a verilən məlumata görə, avqustun 30-da Bakıda və Abşeron yarımadasında hava şəraitinin dəyişkən buludlu, yağmursuz keçəcəyi gözlənilir.

Şimal qərb küləyi gündüz cənub-şərq küləyi ilə əvəz olunacaq. Temperatur gecə 19-24 dərəcə, gündüz 30-34 dərəcə isti olacaq. Abşeron çimərliklərində temperatur 25-26 dərəcə isti olacaq.

Azərbaycanın rayonlarına gəlincə, avqustun 30-da hava əsasən yağmursuz hava şəraiti müşahidə olunacaq. Lakin axşam və gecə bəzi dağlıq ərazilərdə lokal qısa müddətli yağış yağacağı ehtimalı var. Şərq küləyi əsəcək. Aran rayonlarında gecə 20-25 dərəcə, gündüz 33-38 dərəcə isti, dağlarda gecə 10-15 dərəcə, gündüz 22-27 dərəcə isti gözlənilir.

Yaxın 3 gün ərzində Abşeron yarımadasında günorta saatlarında isti, diskomfort hava şəraiti və havada rütubətliliyin çox olması ilə yaranan bürkü meteohəssas insanlar üçün əsasən əlverişsizdir.