“Nəsimi rayonu 3-cü mikrorayon Alı Mustafayev küçəsi, 11-ci ev ilə 17-ci evin arasında uşaqların, yaşlıların istirahət yeri olan həyət hasarlanıb, yerində yaşayış binası tikiləcək”. Bu barədə Lent.az-a həmin küçədə yaşayan bir qrup sakin məlumat verib. Onların sözlərinə görə, həyətdə tikintinin aparılmasına sakinlər etiraz edib:
“Biz nə qədər etiraz etsək də, hadisə yerinə çağırılan polis bizə müdaxilə edir. Hasara alınmış ərazidə nə qədər ağac kəsilib. Bizə iki bina arasında sadəcə 2 metrlik yer saxlanılıb. Belə dar yerdə uşaqlarımız necə oynasın? Yaşlılarımız harda dincəlsin?”
Lent.az-a təqdim olunan şəkillərdən də göründüyü kimi, ərazi dəmir hasara alınıb, böyük ağacların kökləri ekskavatorla qazılıb çıxarılır.
Qeyd edək ki, Alı Mustafayev küçəsinin bir qrup sakini bu gün saat 18:30-da təkrar etiraz aksiyası keçirəcəklər.
Həmin ərazidən çəkilən şəkilləri oxucularımıza təqdim edirik.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
