Tibb işçilərinin sertifikasiyasına aid yeni TƏLƏB

Prezident İlham Əliyev “Əhalinin sağlamlığının qorunması haqqında” qanunda dəyişiklik edilməsi barədə sərəncam imzalayıb.

Lent.az-ın AzərTAc-a istinadən məlumatına görə, sərəncama əsasən, qanuna aşağıdakı məzmunda ikinci cümlə əlavə edilib:

“Sertifikasiya zamanı praktik tibb və ya əczaçılıq fəaliyyəti ilə məşğul olan şəxslərə (işçilərə) onların fəaliyyət sahəsinə bilavasitə aid olmayan sualların verilməsi, habelə onların siyasi baxışlarına və etiqadına görə qiymətləndirilməsi yolverilməzdir.”.

Prezidentin digər sərəncamı ilə Əmək Məcəlləsinə də bu məzmunda dəyişiklik edilib.