[b]“APA Holdinq” və İranın “Huneronline" agentliyi arasında saziş imzalandı[/b]

İranın paytaxtı Tehranda yerli “Huneronline" (“Onlayn incəsənət”) mətbuat müəssisəsi ilə “APA Holdinq” arasında əməkdaşlıq sazişi imzalanıb.

APA-nın Tehran bürosunun məlumatına görə, sazişi “Huneronline”nin baş direktoru Mehdi Əfzəli və APA Holdinqin prezidenti Vüsalə Mahirqızı imzalayıb.

Sənədə əsasən hər iki agentlik arasında əməkdaşlıq əlaqələri qurulacaq. Sazişdə ingilis dilində xəbər, foto, film mübadiləsinin aparılması, eləcə də müştərək layihələrin icrası, o cümlədən qarşılıqlı olaraq müsahibə, analiz və təhlil proqramlarının sifarişi və istehsalını nəzərdə tutur.

“Ümid edirəm ki, sazişin imzalanması iki ölkə arasında mədəniyyət sahəsində əməkdaşlığı inkişaf etdirəcək”, deyə imzalanma mərasimindən sonra “APA Holdinq”in prezidenti Vüsalə Mahirqızı bildirib.

Qeyd edək ki, “Huneronline” xəbər agentliyi İranın qabaqcıl agentliklərindəndir. Agentlik əsasən mədəniyyət və incəsənət xəbərləri yayımlayır.