İki banqladeşli təmizlik işçisinin Məscid əl-Həramın müqəddəsliyini pozan yersiz hərəkət törətdiklərinə görə edam edildiyi işdə "öpüşən evli cütlük" iddiaları əsassız çıxıb. Hadisə film süjetinə layiq bir intriqa ilə doludur.
Lent.az xarici mediaya istinadla pərdə arxasında baş verənləri təqdim edir.
Məkkədəki Məscid əl-Həramda baş verən hadisə kimi ictimaiyyətdə yayılan Məkkəyə həcc ziyarətində olan evli cütlüyün sadəcə öpüşdükləri üçün edam edilməsi iddialarının arxasındakı tarixçə və məhkəmə prosesi aydınlaşıb. Müqəddəs məkanda təmizlikçi işləyən iki Banqladeş vətəndaşı əxlaqsız davranışda, hadisəni gizli şəkildə lentə alan şəxs isə şantajda ittiham olunub. Hökm çıxarılıb və hər iki şəxs edam edilib və videonu çəkən şəxs 20 il həbs cəzasına məhkum edilib.
Məlumata görə, adıçəkilən məsciddə təmizlik işçisi işləyən Banqladeş vətəndaşı Nazrul İslam ilə Siti Akhtar arasında romantik münasibət yaranıb. Hər iki şəxsin 2023-cü ilin may ayında məscidin qapıları arasındakı təcrid olunmuş ərazidə nalayiq davranışlar sərgilədiyi müəyyən edilib.
Hadisə zamanı keşik çəkmək üçün işə götürülən Hindistan vətəndaşı olan başqa bir işçi baş verənləri gizlicə mobil telefonu ilə qeydə alıb. Daha sonra həmin şəxs görüntülərdən qadına qarşı şantaj kimi istifadə etməyə çalışıb və qadın imtina etdikdə videonu yayıb. Görüntülərin yayılmasından və hadisə barədə hakimiyyət orqanlarına məlumat verildikdən sonra hər üç şübhəli 2023-cü ilin avqust ayında həbs edilib.
Bildirilib ki, hadisədən sonra gündəmə gələn “Ümrəyə gələn evli cütlüyün sırf öpüşdüyünə görə cəzalandırılıb” iddiaları həqiqəti əks etdirmir. Məhkəmə materiallarında yer alan məlumata görə, həmin şəxslərin ölkədə işçi statusunda olduqları, nikahda olmadıqları, məscidin müqəddəsliyini ciddi şəkildə pozduqları qeyd edilib.
Səudiyyə Ərəbistanı məhkəmə orqanlarında təxminən 3,5 il davam edən məhkəmə prosesindən sonra Ali Məhkəmə yekun qərarını açıqlayıb. Məscidin müqəddəsliyinin, hörmətinin və şərəfinin kobud şəkildə pozulmasını əsas gətirən və presedent yaratmaq və çəkindirmə məqsədi daşıyan məhkəmə iki banqladeşli təqsirləndirilən şəxsi edam cəzasına məhkum edib. Videonu gizlicə çəkib şantaj yolu ilə yayan Hindistan vətəndaşı 20 il həbs cəzasına məhkum edilib.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
