"Google Maps"in səhvinə görə turistlər itkin düşdü

İki alman turist bir həftə ərzində Avstraliyanın Keyp-York yarımadasının səhrasında Google Xəritələrin istiqamətlərindəki səhvə görə itkin düşüb.

Lent.az xarici mediaya istinadla bildirir ki, gənclər yolsuzluq avtomobilində hərəkət ediblər. Oyala Tumotanq Milli Parkına girəndə Google Maps onlara torpaq yolla getməyi tövsiyə edib. Onlar 50 və ya 60 kilometr keçə bilsə də, maşın bataqlığa düşüb. Onu çıxara bilməyiblər.

Nəticədə turistlər kürək çantalarını götürüb bir həftə ərzində vəhşi heyvanlar, o cümlədən timsahlar, ilanlar, hörümçəklər, vəhşi inəklər və donuzlarla meşələrdən keçərək yaşayış yerlərinə getməli olublar.

Səyahətçilərin özləri ilə lazımi qida ehtiyatı və yaxınlıqdakı yolları tapdıqları kiçik bir dronları olub.

Yerli mühafizəçilər təsdiqləyiblər ki, bu, Google Maps-in milli parkda turistləri yanlış istiqamətə yönəltməsi ilk dəfə deyil. Bununla belə, onlar qeyd ediblər ki, səyahətçilər yaşlı və az hazırlıqlı olsaydılar, vəziyyət pis bitə bilərdi.

Onlar meşədən xilas olandan sonra maşın da tapılaraq geri qaytarılıb.