Peyvənd olmasa, bəşəriyyət virus xəstəliklərindən xilas ola bilməz - ÜST

Bəşəriyyətin koronavirus pandemiyasına başı qarışdığından peyvənd xidmətlərinin vəziyyəti yaxşı deyil. Yəni onunla məşğul olan olmayıb.

Lent.az Rusiya mətbuatına istinadla xəbər verir ki, dünya poliomielit və qızılca kimi yoluxucu xəstəliklərin yayılması ilə üzləşə bilər. Bu xəbərdarlığı Ümumdünya Səhiyyə Təşkilatı bu gün edib.

Ümumdünya Səhiyyə Təşkilatının açıqlamasında qeyd edilir ki, COVID-19 pandemiyası səbəbindən immunizasiya xidmətlərinin bağlanması, təhlükəli və effektiv peyvəndlərlə qarşısı alına biləcək xəstəliklərin yayılması riski ilə nəticələnə bilər.

Təşkilat 2019-cu ildə Konqo Respublikasında qızılca xəstəliyinin 6 mindən çox insanın həyatına son qoyduğunu vurğulayır. Peyvənddən imtina edildiyi təqdirdə təhlükəli xəstəliklərin geri dönə biləcəyi qeyd edilir.

ÜST hesab edir ki, koronavirus pandemiyasından əvvəl dünyada immunizasiya sahəsində çox böyük irəliləyiş vardı. 2018-ci ildə beş yaşına qədər uşaqların 86 faizi difteriya, tetanoz və boğmaca əleyhinə peyvənd edilmişdi. 2000-ci ildə peyvənd əhatəsi 72 faiz, 1980-ci ildə isə cəmi 20 faiz təşkil edib. Bununla birlikdə, mövcud peyvənd dərəcəsi hələ də 95 faizi əhatə etmir, bu da bu xəstəliklərin baş verməsindən tam qorunmaq üçün lazımdır.

Ümumdünya Səhiyyə Təşkilatı hökumətləri koronavirusun yayılmasında immunizasiya xidmətlərini qorumağa və işlərinin kəsildiyi yerlərdə təcili peyvənd proqramlarını həyata keçirməyə çağırıb.

Daha əvvəl NEWS.ru Rusiya Federasiyasının Səhiyyə Nazirliyi, koronavirus pandemiyası səbəbiylə profilaktik peyvəndlərin milli təqviminin bir hissəsi olaraq uşaqlara və böyüklərə gündəlik aşılamaları dayandırdığını yazmışdı. Bundan əlavə, epidemioloji səbəblərdən immunizasiya müvəqqəti dayandırılıb. Doğum evlərində yeni doğulan uşaqların peyvəndi dayandırılmayacaq.

Ən son məlumatlara görə, dünyada 2,6 milyondan çox insan koronavirusa yoluxub, 183 mindən çox adam ölüb, 713 mindən çox adam sağalıb.