Azərbaycanda kafe, restoran və bütün ictimai iaşə obyektləri AÇILDI
18 may 2020 00:12 (UTC +04:00)

Azərbaycanda kafe, restoran və bütün ictimai iaşə obyektləri AÇILDI


Nazirlər Kabineti yanında Operativ Qərargah mövcud sanitar-epidemioloji vəziyyəti, aktiv xəstə sayı və yoluxma sürətini əsas götürməklə, Bakı, Sumqayıt, Gəncə, Lənkəran şəhərləri və Abşeron rayonu üzrə restoran, kafe, çay evlərində, eləcə də bütün ictimai iaşə məkanlarında müştərilərə yerində xidmətin saat 08:00-dan 18:00-dək bərpa olunmasına qərar verib.

APA-nın məlumatına görə, qərar 18 may 2020-ci il saat 00:00-dan qüvvəyə minir.

Lakin ictimai iaşə obyektlərində qəlyan avadanlıqlarından istifadə qadağandır.

Qərarda o da bildirilir ki, restoran, kafe, çay evlərində, eləcə də bütün ictimai iaşə məkanlarında xidmətlər pandemiya dövründə Azərbaycan Respublikası Nazirlər Kabineti yanında Operativ Qərargah tərəfindən təqdim olunan müvafiq sanitar-epidemioloji qaydalara və metodiki göstərişlərə uyğun həyata keçirilməlidir. Bu qaydalara riayət edilməsi ictimai iaşə obyektlərinin rəhbər şəxsləri və əməkdaşlarının, eyni zamanda xidmətlərdən istifadə edən müştərilərin birbaşa öhdəliyidir. Qaydaların pozulması qanunvericiliklə nəzərdə tutulmuş inzibati və cinayət məsuliyyəti yaradır.

Qeyd edək ki, Bakı, Sumqayıt, Gəncə, Lənkəran şəhərləri və Abşeron rayonu istisna olmaqla, ölkənin digər şəhər və rayonlarında restoran, kafe, çay evlərində, eləcə də bütün ictimai iaşə məkanlarında müştərilərə yerində xidmətə mayın 4-dən icazə verilib.

 

1 2 3 4 5 İDMAN XƏBƏRLƏRİ
# 7084
avatar

Oxşar yazılar