DSMF-nin büdcəsi müzakirə olunub
13 oktyabr 2010 17:38 (UTC +04:00)

DSMF-nin büdcəsi müzakirə olunub

Milli Məclisin gələn ilin dövlət büdcəsinin müzakirəsinə həsr olunmuş bugünkü iclası fasilədən sonra davam etdirilib.

Lent.az-ın məlumatına görə, fasilədən sonra ilk olaraq “Azərbaycan Respublikasının Dövlət Sosial Müdafiə Fondunun 2011-ci il büdcəsi haqqında” qanun layihəsi deputatların müzakirəsinə çıxarılıb. Milli Məclisin Sosial siyasət komitəsinin sədr müavini Musa Quliyev DSMF-nin 2011-ci il büdcəsinin qanunvericiliyin tələblərinə uyğun hazırlandığını deyib. O, həmçinin sığortaolunanların sanatoriya-kurort müalicəsinin və sağlamlaşdırma tədbirlərinin həyata keçirilməsi üzrə Azərbaycan Həmkarlar İttifaqları Konfederasiyası vasitəsilə maliyyələşdirilən xərclərin 13 milyon manatdan 15 milyon manata çatdırılmasını təklif edib.

Millət vəkili Fəzail İbrahimli isə DSMF-nun 2011-ci il üçün büdcəsinin iqtisadi və elmi cəhətdən kifayət qədər əsaslandırıldığını bildirib. Onun sözlərinə görə, layihə Azərbaycan cəmiyyətinin inkişafına uyğun hazırlanıb. Fəzail İbrahimli son illərdə Azərbaycanın sosial təminat sistemində çox ciddi islahatlar aparılmasını, pensiyaların verilməsində müasir standartların tətbiq olunmasını təqdirəlayiq hesab edib.

Elxan SALAHOV
# 464

Oxşar yazılar