Magistraturaya qəbul qaydaları açıqlandı

Yeni qaydalar və qəbul proqramları “Magistr” jurnalında da dərc olunub

2010/2011-ci tədris ili üçün ali məktəblərin magistraturalarına qəbul qaydaları nəşr olunub. “Magistr” xüsusi buraxılışının 1-ci sayında dərc edilmiş materiallar bakalavrların imtahana hazırlığını xeyli asanlaşdıracaq.

Lent.az-ın Tələbə Qəbulu üzrə Dövlət Komissiyası (TQDK) bu gün magistraturaya qəbul qaydalarına dair mətbuat konfransı keçirib. Komissiya sədri deyib ki, magistraturaya qəbul qaydaları, qəbul proqramları və açıq test tapşırığı nümunələri “Magistr” jurnalında təqdim olunur. Magistratura ixtisaslaşmaları üzrə qəbul proqramları və ixtisaslaşma seçimi cədvəlləri isə jurnalın növbəti sayında dərc olunacaq.

Məleykə Abbaszadə burğulayıb ki, bəzi qəbul proqramlarını seçən bakalavrlar ixtisas üzrə test tapşırıqlarının əvəzinə təqdim edilmiş suallara yazılı formada cavab verməlidirlər. Xarici dil kimi Azərbaycan bölməsinin bakalavr¬larına ingilis, alman, fransız və ya rus dilini, rus bölməsinin bakalavrlarına isə ingilis, alman və ya fransız dilini seçmək imkanı verilir. Filologiya və tərcümə sahəsi üzrə ixtisaslaşmalara qəbul olunmaq istəyən bakalavrlar ixtisaslaşma dilini xarici dil kimi seçə bilməzlər. Tədrisi ingilis dilində olan ixtisaslaşmalara qəbul olmaq istəyən bakalavrlar xarici dil kimi yalnız ingilis dilini seçməli və onların ingilis dili üzrə topladığı bal TQDK tərəfindən tədrisi ingilis dilində olan ixtisaslaşmalara qəbul üçün qoyulan tələblərə uyğun olmalıdır.

Elxan SALAHOV