“Rus dili müəllimlərinin ixtisarı faciə deyil”
02 fevral 2010 13:30 (UTC +04:00)

“Rus dili müəllimlərinin ixtisarı faciə deyil”

Müəllimlər müxtəlif ixtisasdəyişmə kurslarında iştirak edərək, öz fəaliyyətlərini davam etdirə bilərlər

“Rus dili müəllimlərinin ixtisara düşməsini faciə kimi qəbul etmək olmaz. Azərbaycan dilli məktəblərin yükü artdıqca bəzi ixtisarlar ola bilər. Azərbaycanda təhsil sahəsi inkişaf edir. Müəllimlər müxtəlif ixtisasdəyişmə kurslarında iştirak edərək, öz fəaliyyətlərini davam etdirə bilərlər”. Bu barədə Lent.az-ın Gəncəbasar müxbirinə millət vəkili Asəf Hacıyev bildirib.

Millət vəkili təhsil sahəsi ilə bağlı yeniliklərə də toxunub. “Uzun müzakirələrdən sonra qəbul olunan “Təhsil haqqında” qanuna görə, elmi dərəcələrlə bağlı adların verilməsində beynəlxalq təcrübəyə əsaslanılacaq. Orta məktəblərlə bağlı 9+2 üsuluna keçiriləcək. Şagirdlər istəsələr təhsillərini 9 il oxuduqdan sonra tamamlaya bilər və ya daha 2 il davam etdirərlər” - deyə millət vəkili qeyd edib.

Vüsalə Cənnətova
1 2 3 4 5 İDMAN XƏBƏRLƏRİ
# 487

Oxşar yazılar