Prezident Saatlıda - YENİLƏNİB

Heydər Əliyev Fondu tərəfindən Saatlıda inşa edilmiş 100 yerlik körpələr evi - uşaq bağçasının açılışı olub.

Lent.az-ın AzərTac-a istinadən məlumatına görə, Saatlı rayonunda səfərdə olan prezident İlham Əliyev uşaq bağçasının açılışında iştirak edib.

10:17

Prezident İlham Əliyev martın 28-də Saatlı rayonuna səfər edib.

Lent.az-ın AzərTac-a istinadən məlumatına görə, dövlət başçısı əvvəlcə Heydər Əliyevin Saatlı şəhərinin mərkəzində ucaldılmış abidəsini ziyarət edib.

Saatlı Rayon İcra Hakimiyyətinin başçısı Siraqəddin Cabbarov Prezident İlham Əliyevə abidənin yerləşdiyi ərazidə görülən abadlıq işləri barədə məlumat verib.

Dövlət başçısı Saatlıya səfəri çərçivəsində rayonda yeni inşa edilən 110/35/10 kilovoltluq “Sarıcalar” yarımstansiyasının açılışında və yenidənqurmadan sonra istifadəyə verilən Saatlı-Sarıcalar-Qara Nuru-Şirinbəyli-Fətəlikənd-Azadkənd avtomobil yolunun açılışında iştirak edib.

Saatlıda səfərdə olan dövlət başçısı rayonunun Qıraqlı kəndi ərazisində fermer Humay Məmmədovanın pambıq sahəsi ilə də tanış olub.

Bundan başqa, martın 28-də Saatlı şəhərinin su təchizatı sistemlərinin istismara verilməsi mərasimi keçirilib. Prezident İlham Əliyev həmin mərasimdə iştirak edib.