Bu gün Azərbaycan Milli Məclisinə V çağırışda keçirilən seçkilərlə əlaqədar seçici fəallığı ilə bağlı yekun rəsmi məlumat açıqlanıb.
APA-nın məlumatına görə, Mərkəzi Seçki Komissiyasının İnformasiya Mərkəzinin müdiri Rüfət Gülməmmədov bildirib ki, saat 19:00-a da səsvermə başa çatıb
Respublika üzrə 2 milyon 897 min 188 seçici səs verib, seçici fəallığı 55,7 faiz olub.
Qeyd edək ki, ölkə üzrə ümumi seçicilərin sayı 5 milyon 198 min 658 nəfərdir.
***
17:23
Bu gün Azərbaycan Milli Məclisinə keçirilən seçkilərlə əlaqədar seçici fəallığı ilə bağlı növbəti rəsmi məlumat açıqlanıb.
APA-nın məlumatına görə, MSK-nın İnformasiya Mərkəzinin müdiri Rüfət Gülməmmədov bildirib ki, saat 17:00-a qədər olan məlumata görə, respublika üzrə 2 milyon 605 min 948 seçici səs verib. Bu, 50,1 faiz seçici fəallığı deməkdir.
Qeyd edək ki, ölkə üzrə ümumi seçicilərin sayı 5 milyon 198 min 658 nəfərdir.
***
15:24
Azərbaycan Milli Məclisinə bu gün keçirilən seçkilərin gedişi ilə bağlı növbəti rəsmi məlumat açıqlanıb.
APA-nın xəbərinə görə, MSK İnformasiya Mərkəzinin müdiri Rüfət Gülməmmədov bildirib ki, saat 15:00-a qədər olan məlumata görə, respublika üzrə 2 230 750 seçici səs verib, seçici fəallığı 42,9 faizdir.
Ölkə üzrə ümumi seçicilərin sayı 5 198 658 nəfərdir.