Aprelin 6-da Bakı şəhərində “Azərbaycan Respublikası Hökuməti ilə Amerika Birləşmiş Ştatları Hökuməti arasında hava nəqliyyatı haqqında Saziş” imzalanıb.
Mülki Aviasiya Administrasiyasının mətbuat xidmətindən Lent.az-a verilən məlumata görə, sazişi Azərbaycan tərəfindən “Azərbaycan Hava Yolları” Qapalı Səhmdar Cəmiyyətinin Prezidenti Cahangir Əsgərov, ABŞ tərəfindən isə ABŞ-ın Azərbaycanda Fövqəladə və Səlahiyyətli Səfiri Robert F. Sekuta imzalayıblar.
Qeyd edək ki, sözügedən saziş ikitərəfli əlaqələrin inkişafında Azərbaycanın və ABŞ-ın aviaşirkətləri üçün bütün məhdudiyyətləri aradan qaldırmağa imkan verəcək. Bu saziş Azərbaycan mülki aviasiya subyektlərinin fəaliyyətinə müsbət təsir göstərəcək və iki ölkənin aviasiya orqanlarının daha sıx əməkdaşlığını təmin edəcək.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
