Ötən gün Azərbaycanda parlament seçkiləri baş tutdu.
Lent.az-ın məlumatına görə, rəsmi nəticələr açıqlanmasa da Mərkəzi Seçki Komissiyasının saytında rəqiblərindən öndə olan namizədlərin siyahısı yayımlanıb. Qeyri-rəsmi nəticələrə görə Azərbaycan parlamentinin yeni formalaşan heyətində təmsil olunacaq deputatlardan biri 6 saylı Culfa-Babək seçki dairəsindən namizəd olan Ülviyyə Həmzəyevadır.
Seçicilərin 79,3 faizinin səslərini qazanan xanım namizəd Naxçıvan Muxtar Respublikasının Rəssamlar İttifaqının sədridir. 1982-ci il təvəllüdlü Ü.Həmzəyeva Azərbaycan parlamentində təmsil olunacaq yeganə rəssamdır.