Şimali Koreya üzrə ekspert Son-Yun Li Cənubi Koreyanın "The Korea Herald" qəzetinə verdiyi açıqlamada Kim Çen Inın bacısı Kim Yo-Çjonun dünyanın "ən təhlükəli" qadını olduğunu bildirib.
Lent.az-ın xəbərinə görə, o, iddia edib ki, bunun səbəbi hazırda KXDR İşçi Partiyası Mərkəzi Komitəsinin Təbliğat və təşviqat şöbəsinə rəhbərlik edən Kim Yo-Çonun "Şimali Koreya iyerarxiyasında faktiki olaraq ikinci şəxs" və Kim Çen Inın "müavini" olmasıdır.
"Nüvə silahına malik doqquz dövlətdə nüfuzlu qadınlar arasında heç vaxt bu qədər cilovsuz güc görməmişik. Buna görə də mən onu dünyanın ən təhlükəli qadını adlandırıram", - tədqiqatçı hesab edir.
O əlavə edib ki, Şimali Koreya liderinin bacısı "Şimali Koreya diplomatiyasının arsenalında misli görünməmiş bir silahdır". Diplomatiya vaxtı gələndə Kim Yo Çjonun "şən şəxsiyyəti və mehribanlığı" ABŞ prezidenti Donald Trampı "tərksilah etməyə" kömək edəcək.
Tədqiqatçı həmçinin bildirib ki, Kim Yo Çjonun prezidentliyi atasının varisi kimi təqdim edilən Kim Çen Inın qızı Kim Çju Eyə təhvil verib-verməyəcəyi hələ də məlum deyil. Kim Çen In bacısı Kim Yo Çjonu partiya Mərkəzi Komitəsinin direktor müavini vəzifəsindən şöbə müdiri vəzifəsinə yüksəltdi.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
