Qriqori Karasin və Flip Lefort Qarabağ münaqişəsindən danışıblar

Bu gün Rusiya xarici işlər nazirinin müavini Qriqori Karasin Avropa Birliyinin Cənubi Qafqaz üzrə xüsusi təmsilçisi Flip Lefortu qəbul edib.
Lent.az-ın Rusiya Xarici İşlər Nazirliyinin rəsmi saytına istinadən verdiyi məlumata görə, görüş F.Lefortun xahişi ilə baş tutub. Görüşdə Cənubi Qafqazla bağlı problemlər, Avropa Birliyinin Cenevrə diskussiyalarına həmsədrliyi məsələsi müzakirə olunub. Görüşdə eyni zamanda Dağlıq Qarabağ münaqişəsinin tənzimlənməsi məsələsinə də toxunulub.