Elmar Məmmədyarov Avropa Şurasının Azərbaycandakı ofisinin yeni rəhbərini qəbul edib - FOTO
04 aprel 2011 17:32 (UTC +04:00)

Elmar Məmmədyarov Avropa Şurasının Azərbaycandakı ofisinin yeni rəhbərini qəbul edib - FOTO

Xarici işlər naziri Elmar Məmmədyarov Avropa Şurasının Azərbaycandakı ofisinin yeni təyin olunmuş rəhbəri səfir Konstantin Yerokostopolosu qəbul edib.

Xarici İşlər Nazirliyinin mətbuat xidmətindən Lent.az-a verilən məlumata görə, Elmar Məmmədyarov Konstantin Yerokostopolosa yeni fəaliyyətində uğurlar arzulayıb və Azərbaycanın Avropa Şurasının ofisi ilə əməkdaşlığı daha da genişləndirməyə hazır olduğunu söyləyib.

Konstantin Yerokostopolos Azərbaycanla Avropa Şurası arasında əməkdaşlığın genişləndirməsi üçün çalışacağını bildirib. Elmar Məmmədyarov isə Dağlıq Qarabağ münaqişəsinin həllinə dair aparılan danışıqlar barədə ona məlumat verib, Azərbaycanın işğal olunmuş ərazilərində Sahə Qiymətləndirmə Missiyasının həyata keçirilməsindən sonra ATƏT-in yaranmış mövcud vəziyyəti qəbul edilməz hesab etdiyini xatırladıb. Xarici işlər naziri Ermənistanın silahlı qüvvələrinin işğal olunmuş Azərbaycan ərazilərindən çıxarılmasının və məcburi köçkünlərimizin öz torpaqlarına qayıtmasının ən mühüm məsələ olduğunu vurğulayıb.
# 406

Oxşar yazılar