“BMT-nin yeni qətnamələri icra edildiyi halda, Qarabağla bağlı qətnamələr hələ də yerinə yetirilməyib”
02 aprel 2011 11:34 (UTC +04:00)

“BMT-nin yeni qətnamələri icra edildiyi halda, Qarabağla bağlı qətnamələr hələ də yerinə yetirilməyib”

APA-nın xəbərinə görə, bunu jurnalistlərə açıqlamasında BMT-nin Azərbaycan üzrə rezident əlaqələndiricisi Fikrət Akçura deyib.

BMT tərəfindən yeni çıxarılmış qətnamələrin icra edildiyini bildirən rezident əlaqələndiricisi Qarabağla bağlı qurumun qətnamələrinin hələ də icra olunmadığını açıqlayıb: “Onların yerinə yetirilməsi üçün Azərbaycan, Avropa institutları daha fəal olmalıdır. 1 milyon qaçqın, məcburi köçkün ağır durumdadır. 20 ildir, insanlar evlərindən didərgin düşüb. Onlar üçün bir həll yolu tapılmalıdır”.

Qeyd edək ki, BMT Təhlükəsizlik Şurasının (TŞ) Liviya ilə bağlı bu il martın 17-də qəbul etdiyi 1973 saylı qətnamənin dərhal icrasına başlanıb. Ermənistanın işğal etdiyi Azərbaycan ərazilərini dərhal boşaltmasına dair TŞ-nin 4 qətnaməsi isə 20 ilə yaxındır icra olunmur.
# 775

Oxşar yazılar