Ermənistan: Əsir hərbçi Azərbaycana qayıtmaq istəmir

APA-nın “Novosti Armenii” agentliyinə istinadən verdiyi xəbər görə, bu barədə Ermənistan Müdafiə Nazirliyinin mətbuat katibi David Karapetyan bildirib. D. Karapetyan deyib ki, R. Hüseynov qayıtmaq istəsə, Ermənistan onu qaytarmağa hazırdır.
Azərbaycan Ordusunun kiçik çavuşu Roman Hüseynov ötən il avqustun 27-də Ermənistan Silahlı Qüvvələri tərəfindən əsir götürülüb.

Qeyd edək ki, erməni əsirliyində olan çavuş Anar Hacıyev bu gün Azərbaycan, Azərbaycanda saxlanılan mülki şəxs Artur Badalyan isə Ermənistan tərəfə qaytarılıb.

Azərbaycanda hazırda 8 Ermənistan vətəndaşı əsir və girovluqdadır.

2009-cu ilin fevral ayında könüllü olaraq Azərbaycana keçmiş Qrant Markosyan, Rafik Tevosyan və Vartan Sarkisyan öz istəkləri və BMT-nin Azərbaycan nümayəndəliyinin vasitəçiliyi ilə bir müddət əvvəl üçüncü ölkəyə göndəriliblər. Onların hansı ölkəyə göndərildikləri açıqlanmır.

Azərbaycanda saxlanılan daha üç erməni hərbçi də üçüncü ölkəyə göndərilmək arzusunu bildirib.

Digər beş erməni isə könüllü olaraq Azərbaycan tərəfə keçmiş bir ailənin üzvü olan mülki şəxslərdir.