İTV-nin Yayım Şurasının üzvləri dəyişir
17 mart 2011 13:36 (UTC +04:00)

İTV-nin Yayım Şurasının üzvləri dəyişir

Martın 18-də Milli Məclisin növbəti iclası keçiriləcək.

Milli Məclisin mətbuat katibi Akif Nəsirov Lent.az-a bildirib ki, iclasın gündəliyinə 8 məsələ daxil edilib. Birinci məsələ İctimai Televiziya və Radio Yayımları Şurasının tərkibinin dəyişməsi haqqında məsələdir.

Akif Nəsirov deyib ki, parlamentin sabahkı iclasında bəzi qanunlara əlavə və dəyişiklərin edilməsi nəzərdə tutulur. Bunların arasında “Dövlət rüsumu haqqında”, “Konstitusiya məhkəməsi haqqında”, “Əmək pensiyası haqında” qanun layihələri də var.

Bundan başqa, bir sənəddə 3 layihə “Qaz təchizatı”, “Su təchizatı” və “Energetika haqqında” qanunlara da əlavə və dəyişikliklər müzakirə ediləcək.

Elxan SALAHOV
# 547

Oxşar yazılar