Rusiya prezidentinin xüsusi nümayəndəsi dialoqdan danışdı

“Azərbaycan və Ermənistan ziyalıları arasında dialoqun bərpa olunması üçün çox ciddi iş görmək lazımdır. Bunun üçün ilk növbədə prezidentlərin siyasi iradəsi lazımdır”.

Bu fikirləri APA-nın sualının cavabında Rusiya prezidentinin beynəlxalq mədəni əməkdaşlıq üzrə xüsusi nümayəndəsi Mixail Şvıdkoy deyib.

O, Ramil Səfərovun azadlığa buraxılmasının erməni cəmiyyətində gərginlik yaratdığını bildirib: “Bu, əlbəttə ki görəcəyimiz işi çətinləşdirir, amma hesab edirəm ki, dünyada ən mühüm dəyər – kompromisdir. İstənilən halda icmalar arasında görüşün təşkili istiqamətində işi davam etdirəcəyəm. Mən həmişə övladlarını müharibədə itirə biləcək analar və ataları düşünürəm”.