Səfər Əbiyev Türkiyənin yeni səfiri ilə görüşüb

Sentyabrın 25-də müdafiə naziri general-polkovnik Səfər Əbiyev Türkiyənin Azərbaycandakı fövqəladə və səlahiyyətli səfiri Alper Coşkunu qəbul edib. Nazirliyin mətbuat xidmətindən Lent.az-a verilən məlumata görə, Azərbaycanın müdafiə naziri yeni səfiri təbrik edərək ona gələcək işlərində uğurlar arzulayıb.

Görüşdə Türkiyə-Azərbaycan hərbi əməkdaşlıq məsələləri, bölgədəki hərbi-siyasi vəziyyətlə bağlı fikir mübadiləsi aparılıb.