Əli Həsənov İslam peyğəmbərini təhqir edən filmdən danışdı

İslamın təhqir olunduğu bu dövrdə Azərbaycan prezidentinin Parisdə İslam Mədəniyyət Mərkəzi və İslam dəyərlərini əks etdirən xüsusi guşə açması daha təsirlidir

Prezident Adminstrasiyasının (PA) şöbə müdiri Əli Həsənov son günlər ABŞ istehsalı olan “Müsəlmanların məsumluğu” filmi və Fransa qəzetində Məhəmməd peyğəmbərin (s.ə.s) karikaturasının dərci ilə əlaqədar bir sıra müsəlman ölkələrində baş qaldıran etirazlara münasibət bildirib.

Əli Həsənov Azərbaycanda da bu cür aksiyaların keçirilmə ehtimalından danışıb: "Bu aksiyaların bu formada keçirilməsi beynəlxalq siyasətə və yaxud da bu əməli törədənlərə nə dərəcədə təsiri olub-olmamasını hələ zaman göstərəcək. Amma biz ondan da təsirli tədbirlər görürük. Məsələn, Azərbaycan prezidenti cənab İlham Əliyev bu günlərdə həmin bu beynəlxalq qalmaqalın, İslamın təhqir olunduğu bu dövrdə Fransanın paytaxtında İslam Mədəniyyət mərkəzi və İslam dəyərlərini əks etdirən xüsusi guşə açması daha təsirlidir. Əlbəttə, Azərbaycan hakimiyyəti olaraq biz bu anları pisləyirik, bunu törədənləri ən ağır şəkildə lənətləyirik. İslam müqəddəslərinin və dininin saflığının qorunması, onun terrorla eyniləşdirilməsinin qarşısının alınması kimi sahələrdə bir dövlət olaraq mühüm işlər görürük".

ANS