Azərbaycan prezidenti Səudiyyə Ərəbistanı kralını təbrik edib
22 sentyabr 2012 18:52 (UTC +04:00)

Azərbaycan prezidenti Səudiyyə Ərəbistanı kralını təbrik edib

Lent.az-ın AzərTAc-a istinadən verdiyi məlumata görə, təbrik məktubunda deyilir: “Əlahəzrət, Əziz qardaşım, Səudiyyə Ərəbistanının milli bayramı – Krallıq elan edilməsi günü münasibətilə Sizə və Sizin simanızda bütün xalqınıza şəxsən öz adımdan və Azərbaycan xalqı adından ən səmimi təbriklərimizi yetirirəm. Əminəm ki, ölkələrimiz arasındakı qarşılıqlı etimad və dəstəyə əsaslanan münasibətlər, ikitərəfli və çoxtərəfli qaydada səmərəli əməkdaşlığımız qardaş xalqlarımızın iradəsinə uyğun olaraq bundan sonra da müvəffəqiyyətlə davam edəcək. Səudiyyə Ərəbistanının qardaş xalqına sülh və rifah diləyirəm”.

Qeyd edək ki, ölkə başçısı milli bayram münasibəti ilə Səudiyyə Ərəbistanı Krallığının vəliəhdi, baş nazirin müavini, müdafiə naziri Əlahəzrət Salman bin Əbdüləziz Al Səuda da təbrik məktubu göndərib.
# 633

Oxşar yazılar