Səfər Əbiyev Litvada görüşlər keçirir - FOTO
18 sentyabr 2012 18:18 (UTC +04:00)

Səfər Əbiyev Litvada görüşlər keçirir - FOTO

Litvada səfərdə olan müdafiə naziri general-polkovnik Səfər Əbiyev bu gün Litva Parlamentinin sədri xanım İrena Dequtuiene və baş nazir Andrius Kubilius ilə görüşlər keçirib. Nazirliyin mətbuat xidmətindən Lent.az-a verilən məlumata görə, hər iki görüşdə ölkələrarası münasibətlərin inkişafı və hərbi əməkdaşlıq məsələləri geniş müzakirə edilib.

Səfər Əbiyev Litva Parlamentinin sədrinə və baş nazirə regiondakı hərbi-siyasi vəziyyət, Ermənistan-Azərbaycan Dağlıq Qarabağ münaqişəsi və onun yaratdığı çətinliklər barədə ətraflı məlumat verib.

Litva Parlamentinin sədri xanım İrena Dequtuiene isə bildirib ki, onlar Azərbaycanın ərazi bütövlüyünü tanıyır və münaqişənin bu yöndə həllini arzulayır.

Hər iki görüşdə Azərbaycanın Litvadakı fövqəladə və səlahiyyətli səfiri Həsən Məmmədzadə də iştirak edib.

Günün sonunda Səfər Əbiyev Litva Milli Müdafiə Nazirliyinin nəzdində fəaliyyət göstərən enerji təhlükəsizliyi mərkəzində olub.
# 711

Oxşar yazılar