Avroparlamentdə Ramil Səfərov müzakirələri

Avropa Parlamentinin bu gün Strasburqda keçirilən plenar iclasında zabit Ramil Səfərovun Azərbaycana qaytarılması və əfv edilməsi məsələsi müzakirə olunub.

APA-nın Avropa Parlamentinin mətbuat xidmətinə istinadən verdiyi məlumata görə, bəzi deputatlar bu məsələnin Azərbaycanla Ermənistan arasında münasibətlərin daha da kəskinləşməsinə gətirib çıxara və Dağlıq Qarabağ sülh prosesini təhlükə altına qoya biləcəyindən narahatlıqlarını ifadə ediblər.

Onlar Avropa Birliyini Dağlıq Qarabağ münaqişəsinin həlli prosesində daha aktiv rol oynamağa çağırıblar.