“Bu ay Cekson-Venik düzəlişi ləğvi oluna bilər”
08 sentyabr 2012 12:45 (UTC +04:00)

“Bu ay Cekson-Venik düzəlişi ləğvi oluna bilər”

Vaşinqtonda hesab edirlər ki, Cekson-Venik düzəlişlərinin ləğv edilməsi haqqında qanun bu ay qəbul oluna bilər. APA-nın Rusiya kütləvi informasiya vasitələrinə istinadən yaydığı məlumata görə, bu barədə Asiya-Sakit Okean İqtisadi Əməkdaşlıq Forumunda çıxışı zamanı ABŞ-ın dövlət katibi Hillari Klinton deyib: “Ölkələrimiz burada, Rusiyada rəqabət apara bilsinlər deyə, biz Cekson-Venik düzəlişinin fəaliyyətinin dayandırılması üçün Konqreslə sıx əməkdaşlıq edirik”.


Qeyd edək ki, ABŞ-ın ticarət haqqında qanununa Cekson-Venik düzəlişi 1974-cü ildə edilib. Düzəlişin əsas məqsədi bazar iqtisadiyyatına malik olmayan ölkələrlə ticarət münasibətlərini məhdudlaşdırmaqdır. Bu məhdudiyyətlər SSRİ və sosialist ölkələrinə şamil edilirdi. Cekson-Venik düzəlişi Azərbaycana da tətbiq olunur.
# 1394

Oxşar yazılar