Elmar Məmmədyarov həmsədrlərlə görüşəcək

Azərbaycanın xarici işlər naziri Elmar Məmmədyarov sentyabrın 3-də Parisdə ATƏT-in Minsk Qrupu həmsədrləri ilə görüşəcək.

APA-nın məlumatına görə, bu barədə Xarici İşlər Nazirliyinin mətbuat katibi Elman Abdullayev bildirib.

Bununla əlaqədar E. Məmmədyarov Fransaya səfər edəcək.

Görüşdə Dağlıq Qarabağ münaqişəsinin nizamlanmasına dair danışıqlar prosesində yaranmış vəziyyət müzakirə ediləcək.