Xərçəngin bilinməyən 5 əlaməti

Xərçəngin müalicəsi, tibbin sürətli inkişaf tempinə baxmayaraq, çox mürəkkəb və uzun bir prosesdir. Ancaq xəstəlik erkən mərhələdə aşkar edilərsə, sağalmaq daha asandır.

Lent.az xarici mətbuata istinadən xəbər verir ki, mütəxəssislər insan orqanizmində təhlükəli xəstəliyin inkişaf etməyə başladığını göstərən beş mühüm əlamətin adını çəkiblər. Çox vaxt bu simptomlar diqqətdən kənarda qalır və başqa bir xəstəliklə əsaslandırılır.

Xərçəngin ən erkən əlamətlərinin siyahısını Böyük Britaniyadan olan onkoloqlar tərtib ediblər.

Yaş

Həkimlər vurğulayırlar ki, xərçəng üçün əsas risk faktoru yaşdır, çünki xərçəng hadisələrinin 60%-dən çoxu 65 yaşdan yuxarı insanlarda diaqnoz qoyulur.

Mədə-bağırsaq traktında problemlər

Əgər bir insanın əvvəllər mədə problemi olmayıbsa, lakin birdən qəbizlik və ya narahatlıq yaranırsa, bu, orqanizmdə bir şişin olduğunu göstərə bilər. Yalnız dəqiq bir diaqnoz bu vəziyyəti müəyyən edə bilər.

Ürək yanması

Ürək yanması zaman-zaman baş verirsə, narahat olmaq üçün heç bir səbəb yoxdur. Ürək yanması yeməkdən sonra tez-tez və ya müntəzəm olaraq baş verirsə, bu, boğaz və ya qırtlaqla bağlı problemləri göstərə bilər.

Dərinin qaşınması

Daimi dəri qaşınması qaraciyər, yumurtalıq, ağciyər xərçəngi və ya bədxassəli melanoma ola bilər.

Nəcisdə qan və limfa düyünlərinin şişməsi

Bu simptomlar lenfomanın mümkün inkişafını göstərə bilər.