Qışda dodaqlara necə qulluq etmək lazımdır?
24 yanvar 2023 13:03 (UTC +04:00)

Qışda dodaqlara necə qulluq etmək lazımdır?

Təbii parlaqlığını qoruyan hamar və yumşaq dodaqlara sahib olmaq hər bir qadının arzusudur.

Lent.az xarici mətbuata istinadən xəbər verir ki, dodaqlar xüsusilə soyuq havalarda çatlayır və quruyur. 

Dərimiz kimi dodaqlarımız da qulluq tələb edir. Qışda dodaqların həssaslığı daha çox artır. Bu səbəbdən dodaqların hər zaman nəmli qalması və təbii parlaqlığını qoruyub saxlaması üçün onlara mütəmadi olaraq qulluq etmək lazımdır. 

Bəs, evdə dodaqlara necə qulluq etmək olar?

1. Dodaq pilinqi edin

Dodaqlarınızın teksturasını yeniləmək və möhtəşəm görünüşünü qorumaq üçün mütəmadi olaraq pilinq tətbiq etməlisiniz.

Bunun üçün 1 çay qaşığı qəhvə və zeytun yağını qarışdırın. Bu qarışımla dodaqlarınızı 1-2 dəqiqə ərzində pilinq edin. Sonra yuyun və nəmləndirici krem çəkin. 

2. Təbii yağlarla qulluq edin 

Dodaqlarınıza qulluq edərkən təbii yağlardan da istifadə edə bilərsiniz. Təbii yağlar soyuq havalarda dodaqlarınızın qurumasının qarşısını alır. Dodaqları nəmləndirir və yumşaldır. Qurutma nəticəsində yaranan qıcıqlanmanın qarşısını alır.

Dodaqlarınız üçün istifadə edə biləcəyiniz təbii yağlar bunlardır;

Zeytun yağı - dodaqları nəm saxlayır.

Üzüm çəyirdəyi yağı - dodaqların quruması nəticəsində yaranan yaralar və qıcıqlanmalar üçün mükəmməldir.

Ərik yağı - bol E və C vitamini ehtiva edən ərik yağı dodaqları qidalandırır və hamar edir. 

3. Dodaqlarınızı hər gün nəmləndirin

Dərinin həmişə nəmə ehtiyacı var. Çünki dəri asanlıqla quruyur və soyulur. Dodaqlarınız da nəmsiz qaldıqda çox quruyur.

Nəmsiz qalan dodaqlar xüsusilə qış aylarında çox tez çatlayır və zədələnir.

Dodaqlardakı dəri toxuması son dərəcə həssas olduğu üçün bu nahiyənin hər zaman nəmli qalması lazımdır.

Dodaqlarınızı nəmləndirmək üçün dodaq baxımı kremlərindən istifadə edə bilərsiniz. Bu kremləri gün ərzində müəyyən fasilələrlə dodaqlarınıza sürtmək lazımdır.

4. Dodaq maskası edin

Dodaqlarınızı hər gün nəmləndirdiyinizə baxmayaraq hələ də quruluq problemi ilə qarşılaşırsınızsa, həftədə bir dəfə sıx nəmləndirici maska tətbiq edə bilərsiniz.

Nəmləndirici gücləndirən və dodaq sağlamlığını qoruyan bu maskanı evdə asanlıqla edə bilərsiniz.

Həftədə bir dəfə dodaqlarınıza 1 çay qaşığı balı çəkin və 5 dəqiqə saxlayın. Dodaqlarınızın nəmləndiyini və parıldadığını görəcəksiniz.

# 1575
avatar

Arzu Qurbanlı

Oxşar yazılar

Bədəndə dəmir çatışmazlığının  əlamətləri və təhlükəliləri

Bədəndə dəmir çatışmazlığının əlamətləri və təhlükəliləri

25 may 2024 , 16:15
Hansı qidalar insanı xoşbəxt  edir?

Hansı qidalar insanı xoşbəxt edir?

25 may 2024 , 12:40
Xərçəngdən qorunmağın YEGANƏ YOLU

Xərçəngdən qorunmağın YEGANƏ YOLU

24 may 2024 , 19:07
İnfarktın  qarşısını alan   MƏHSUL

İnfarktın qarşısını alan MƏHSUL

24 may 2024 , 16:44
Çiyələyi həddindən artıq yemək  nələrə səbəb olur?

Çiyələyi həddindən artıq yemək nələrə səbəb olur?

24 may 2024 , 13:37
Uşaqlarda  panik atak   baş verməsinin ƏLAMƏTLƏRİ

Uşaqlarda panik atak baş verməsinin ƏLAMƏTLƏRİ

24 may 2024 , 13:15
İnsanın düşüncələrinin SAĞLAMLIĞINA ƏKS TƏSİRİ

İnsanın düşüncələrinin SAĞLAMLIĞINA ƏKS TƏSİRİ

24 may 2024 , 10:52
Şorba ilə arıqlamaq mümkündürmü?

Şorba ilə arıqlamaq mümkündürmü?

24 may 2024 , 09:35